Som nyvald kommunestyrerepresentant i Førde, var det med ei viss undring eg las at Høgre, allereie 6 månader etter valet i 2007, opplyste om at reduksjon av eigedomsskatten i Førde ikkje var mogeleg å få til i inneværande periode. Dette til tross for at dette var den store valkampsaka til Høgre, og 862 menneske røysta på Høgre basert på programmet dei gjekk til val på. Seinare har undringa endra seg til ei konstatering av at det ikkje lenger finnst eit tradisjonelt Høgre i Førde, som baserer seg på dei grunnleggande prisippa som ein kjenner partiet at på.

Det var ein fornøgd nyvald varaordførar i Førde, Eva Marie Halvorsen, som konstaterte på periodens første kommunestyremøte at ein no hadde eit borgarleg fleirtal i Førde. Ho hevda då at også Ordførar Nils Gjerland var ein utprega borgarleg politikar. Det borgarlege fleirtalet ho refererte til var SP, H, V, KRF og FrP som hadde inngått ein valteknisk avtale om posisjonar og konstituering etter valet. Kanskje skulle ein tru at det også ville vise at noko borgarleg i den politikken som vart ført i Førde. Men, nei da!

Første prøvelse kom då kommunestyret skulle handsame det første budsjettet sitt. Høgre gjekk inn for rådmannen sitt framlegg, utan å sjå på alternativ for å kutte eigedomskatten. Høgre, med Halvorsen i spissen, gjekk sågar imot eit framlegg frå FrP der ein både kutta eigedomsskatten og innførte fritt skuleval, noko som også var ei stor sak for Høgre i valkampen.

3 månader seinare var Høgre, som vi kjenner det, offisielt død og begravd i Førde. Då gjekk Halvorsen ut med den klare beskjeden at eigedomsskatten ikkje kan reduserast i perioden. Med dette utspelet forkasta ho også store delar av resten av programmet som Høgre gjekk til val på. For å ta berre nokre av “typiske” høgresaker som Halvorsen har stemt imot, eller latt være å fremje til tross for at det sto i valprogrammet deira(dette er berre eit lite utdrag, dei har stort sett ikkje foreslått nok utanom skulenedlegging):

• “Førde Høgre vil at foreldre og elevar skal ha rett til å velje kva skule borna skal gå på. Konkurranse om elevane ser Høgre på som ein føremun og vil vere med på å auke nivået i skulen”. Dette stemte Høgre imot allereie 3 månader etter valet når FrP foreslo det.
• “Førde Høgre vil arbeide for sjølvstyrte skular samt sikre foreldra reell innverknad i skulen”. Dette har Høgre ikkje eingong foreslått.
• “Førde Høgre vil arbeide for at kommunen får ansvar for dei vidaregåande skulane i Førde for å sikre at ungdom i Førde kan ta vidaregåande utdanning på heimstaden”. Dette har Høgre ikkje foreslått
• “Førde Høgre vil sikre tilstrekkelege ressursar innan pleie- og omsorg”. Høgre har stemt imot fleire framlegg frå FrP om å styrkje bemanninga innan pleie- og omsorg.
• “Førde Høgre vil at kommunen skal gje størst mogleg valfridom for eldre i val av heimetenester”. Stemt imot framlegg frå FrP
• “Førde Høgre vil arbeide for å redusere og etterkvart fjerne eigedomsskatten”. Stemt imot fleire framlegg frå FrP.
• “Førde Høgre vil konkurranseutsette eigna kommunale tenester for å betre servicenivået”. Stemt imot fleire framlegg frå FrP.

I tillegg til dette har Høgre vore med på å fatte fleire vedtak som er tydeleg negative for næringslivet i kommunen:

• Innført byggestopp i Storehagen ved å krevje utbyggjarar for fleire 10-talls millionar før dei får byggje.
• Bygging av rådhus som gjer at ein tømmer andre bygg for leigetakarar
• Nei til at private får prosjektere og byggje omsorgsbustader og andre kommunale boligar.
• Reguleringsplanar som går på tvers av eigar sine ynskjer, i direkte konflikt med privat eigedomsrett.

Høgre har desverre blitt ein del av den “politiske massen” i Førde. Ein skal være ganske skarp for å i det heile tatt sjå forskjell på såkalla borgarleg og sosialistisk side i Førde, med nokre få heiderlege unntak. SP og Høgre stemmer stort sett med Venstre og SV, og til ein viss grad KRF. AP og FrP (utruleg nok) fremjer alternative framlegg, og prøver å få ei politisk innflytelse på systemet i Førde. Det er ikkje, og vil nok desverre ikkje, verte ført borgarleg politikk i Førde i denne perioden. Heldigvis er det val at til neste år, og då vert det spennande å sjå kva Høgre sine valkampsaker vert.

Frank Willy Djuvik, gruppeleiar

Tips oss hvis dette innlegget er upassende

I valkampen har dei fleste parti og kandidatar frå Sogn og Fjordane snakka varmt om samferdsle. Den eine etter den andre står fram og proklamerer at anten har dei gitt i massevis til samferdsle, eller så kjem dei til å gjere det. Av enkeltsaker er det Olden-Innvik, Dalsfjordbrua og Kystvegen som står i sentrum. Sjølv så meiner eg at dette er avgjerande viktige prosjekt å diskutere. Vi må diskutere om vi ynskjer å prioritere ei lokal bru til 1 mrd i staden for å ruste opp den vegen yrkessjåførane sjølv kårer til den verste i landet og vegen som kan knytte kysten og sunnfjord samman til eit verkeleg felles bu- og arbeidsområde.

Men sjølv om dette er viktige saker å diskutere, så er det eit prosjekt som politikarane absolutt må fokusere på. Eit prosjekt som er viktigare enn alle dei andre. Og det er hovedpulsåra gjennom fylket vårt: Nemleg E39. Og der har dei fleste kandidatane vore fullstendig taffatte.

I Nasjonal Transportplan ligg det inne ein del midlar til opprusting av E39 gjennom fylket. Men den kanskje viktigaste parsellen, dei som har blitt kalla “Førdepakken” ligg ikkje inne, der ynskjer ein lokale finansieringsløysingar. På godt norsk kallast lokale finansieringsløysingar for “Bompengefinansiering”. Og faktisk trur eg at “Førdepakken” er så viktig for lokalpolitikarane i Sunnfjord at dei faktisk gjer etter for utpressinga frå regjeringa.

Det betyr at innan kort tid kan dei 70.000 innbyggarane som bur mindre enn 1,5 time frå Førde, samt alle andre som vil inn til fylkessenteret belage seg på å betale bompengar for å reise til eller forbi Førde. Og det er heller ikkje småpengar vi snakkar om. Næringslivet i Sunnfjord var ute for berre nokre dagar sidan og advarte mot bompengar, sidan prisen antageleg ville måtte bli “Fjærlandsprisar”. Prisen i Fjærlandsbommen er idag 185 kroner pr passering.

Er det slik at kandidatane frå Sogn og Fjordane ikkje bryr seg om at innbyggjarane i og rundt den største byen i fylket må betale 185 kroner for å gå på arbeid, levere ungar i barnehage, handle middag, få helsetenester osv.? For la oss sjå på kva dei forskjellige kandidatane meiner:

Liv Signe Navarsete (SP), Erling Sande (SP), Ingrid Heggø (AP), Tor Bremer (AP), Heidi Grande Røys (SV): Desse står bak vedtaket i Nasjonal Transportplan, så det er vel ikkje så mykje å lure på kva dei meiner. Dei kan sei kva dei vil, men til sjuande og sist er det dei som er arkitektane bak bomringen.

Trude Brosvik (KrF), Bjørn Lødemel (H): Brosvik og Lødemel seier begge i Firda si utspørjing at dei er for bomringen hvis kommunane vil det. Når vi så veit at kommunane ikkje får vegprosjektet til behandling ein gong, utan å ha med ein bompengesøknad, så er dei i prinsippet for bomringen.

Åge Starheim (FrP): Starheim er den einaste som har sagt klart ifrå om at bomring rundt Førde er uaktuelt. Han og Framstegspartiet vil fullfinansiere “Førdepakken” utan at ein samtidig krev bompengar. Han seier og at E39 må sjåast på som eit prosjekt. Det vil seie at ein startar arbeidet, og gjer seg ikkje før ein har gul stripe på heile vegen.

For folk som er interessert i å fortsatt ha eit vekstsenter i fylket så er det openbart at ein bør stemme Framstegspartiet. Men også FrP må flagge denne saka høgare, for det er den viktigaste samferdslesaka i fylket.

Les meir om E39 og bomringen på heimmesidene våre: www.forde.frp.no

Tips oss hvis dette innlegget er upassende